Ku wa 08 Kamena 2024, Kaminuza yβikoranabuhanga nβubugeni ya Byumba (UTAB) yibutse ku nshuro ya 30 Jenoside yakorewe abatutsi muri Mata 1994. Ni umuhango wabimburiwe nβurugendo rwo kwibuka rwahereye ku cyicaro gikuru cya Kaminuza ya UTAB berekeza ku Rwibutso rwa Jenoside rwa Mukeri ruri mu murenge wa BYUMBA.
![](https://utab.ac.rw/wp-content/uploads/2024/06/2.jpg)
Abayobozi mu nzego zitandukanye za Leta bifatanije na UTAB mu rugendo rwo kwibuka
Umuyobozi Mukuru wa UTAB, Padiri Munana Gilbert yavuze ko muri iri shuri harimo urubyiruko rwiyemeje guhangana nβabahakana bakanapfobya Jenoside yakorewe Abatutsi bifashishije imbuga nkoranyambaga, ashimangira ko ari urugamba bazakomeza kugeza ingengabitekerezo ya jenoside icitse burundu.
Yagize ati “UTAB nka Kaminuza turabanza kwihanganisha abarokotse Jenoside yakorewe Abatutsi tukaba tubafata mu mugongo, kubaha umwanya ndetse nβagaciro. Twabuze Ababyeyi, abana, inshuti nβabaturanyi, niyo mpamvu tutazakomeza kwihanganira uwashaka kugarura amacakubiri wese, Jenoside yabaye ntizagaruke ukundi”.
![](https://utab.ac.rw/wp-content/uploads/2024/06/5.jpg)
Umuyobozi wa UTAB, Fr. Dr. MUNANA Gilbert, OP
Padiri Munana yagaragaje ko nta burezi bushobora gutangirwa aho ubumwe nβubuzima bwβabantu bibangamiwe. Ati “Tugomba kwamagana twivuye inyuma imizi nβamashami yose ahembera ingengabitekerezo ya Jenoside. Turashima byβumwihariko abagize uruhare mu guhagarika no kurokora Abatutsi bahigwaga bakarokoka bigizwemo uruhare nβingabo zahoze ari iza RPA bahagarariwe na Nyakubahwa Paul Kagame”.
Musenyeri Musengamana Papias, Umushumba wa Diyosezi Gatolika ya Byumba akaba anahagarariye UTAB mu mategeko, yasabye barokotse Jenoside yakorewe Abatutsi kudaheranwa nβagahinda kuko bafite amaboko nβigihugu kibakunda, bityo bagomba kubaho bizeye ko Imana yabarokoye izakomeza kubarinda ikibi.
![](https://utab.ac.rw/wp-content/uploads/2024/06/8.jpg)
Mgr Papias MUSENGAMANA, Umushumba wa Diyosezi Gatolika ya BYUMBA, aha icyubahiro abaruhukiye mu rwibutso rwa Mukeri
Umuhuzabikorwa wa AERG muri UTAB, Imenagitero Byiringiro Salomon yavuze biyemeje kubaka igihugu kizira amacakubiri, binyuze mu guhangana nβabahakana nβabapfobya Jenoside yakorewe Abatutsi.
![](https://utab.ac.rw/wp-content/uploads/2024/06/11.jpg)
AERG IMENAGITERO- UTAB
Umuyobozi wa Ibuka mu karere ka Gicumbi, Kamizikunze Anastase yagaragaje ko abagize uruhare mu kwica Abatutsi haba abashoye ibitekerezo, amafaranga, imitungo no gukora ubwicanyi bagomba kumenya ko ibyo bakoze atari byo, ko bagomba kwisubiraho.
![](https://utab.ac.rw/wp-content/uploads/2024/06/IMG_0276.jpg)
Umuyobozi wa Ibuka mu karere ka Gicumbi, Kamizikunze Anastase
Senateri Kanyarukiga Ephrem yavuze ko kuva 1959 abakoloni basenye umubano nβurukundo Abanyarwanda bahoranye. Ati “Mu mitima yacu harimo ibintu bibiri, harimo agahinda kenshi, ariko harimo no gushima Inkotanyi zahagaritse Jenoside, kurokora ntabwo batoranyaga bafataga buri umwe ufite ikibazo bakamwitaho, harabaye ntihakabe twibuke twiyubaka Jenoside ntizagaruke ukundi”.
![](https://utab.ac.rw/wp-content/uploads/2024/06/7.jpg)
Hon. Senateri KANYARUKIGA Ephrem
Igikorwa cyo kwibuka cyaranzwe nβ Ubutumwa butandukanye bugamije kwamagana Jenoside nβigisa nayo, udukino twakozwe nβ Abanyeshuri ba UTAB AERG Imenagitero berekana uburyo hateguwe ivangura mu 1959 hakabaho amacakubiri kugeza mu 1994 hishwe abarenga miliyoni mu minsi 100.
Andi mafoto